На дарослым абанеменце да 125-гадовага юбілею з дня нараджэння Дубоўкі У.М. аформлена кніжная выстава «Пясняр хараства і волі».
Уладзімір Мікалаевіч Дубоўка (1900-1976) — адзін з вядучых беларускіх пісьменнікаў, перакладчык, літаратурны крытык і мовазнаўца, які большую частку свайго жыцця быў вымушаны жыць далёка ад Радзімы.
Дзякуючы свайму таленту, паэтычнай адметнасці ён зрабіў каштоўны ўнёсак у скарбніцу нацыянальнай культуры, узбагаціў беларускую літаратуру яркімі паэтычнымі вобразамі.
Уладзімір Дубоўка ўвёў у беларускую мову шмат слоў: некаторыя прыдумаў сам, некаторыя ўзяў з дыялектаў — і праз яго творчасць яны прыжыліся ў літаратурнай мове. Шмат зрабіў для абнаўлення паэтычнага сінтаксісу.
На выставе прадстаўлены яго самыя вядомыя творы.
