Вучні 4 «А» класа ДУА «Сярэдняя школа №39 г. Магілёва» вядуць даследчую працу аб жыцці, творчасці і ўвекавечванні памяці народнага паэта Беларусі Янкі Купалы. У ходзе даследваванняў, іх зацікавіла пытанне, калі і чаму нашай бібліятэцы было прысвоена імя вялікага песняра беларускага народа. З гэтай мэтай 12 студзеня яны наведалі бібліятэку. Вучні не толькі атрымалі патрэбную інфармацыю, але пазнаёміліся з выставачнай экспазіцыяй «Нам засталася спадчына», з інтэрактыўнымі плакатамі аб жыцці і творчасці Янкі Купалы і яго бліжэйшага паплечніка Якуба Коласа. А галоўнае, вучні прынялі актыўны ўдзел у квэст-гульні «У пошуках папараць-кветкі». Заданне квэста: знайсці ВЯЛІКІЯ СЛОВЫ НА ВЯЛІКАЙ МОВЕ і прачытаць выказванне Янкі Купалы аб роднай зямлі.
Вучні паспяхова справіліся з заданнем. У заключэнні сустрэчы бібліятэкар уручыла дзецям інфармацыйныя буклеты «Купалавым шляхам жыцця» і спіс літаратуры «Чытаем Янку Купалу» з пажаданнем, каб кожны з іх абавязкова ў сваім жыцці знайшоў сваю папараць-кветку.
