У бібліятэцы-філіяле № 9 імя Янкі Купалы прайшла літаратурна-паэтычная кампазіцыя «Слова, якое ёсць і будзе», прысвечаная 90-годдзю з дня нараджэння народнага паэта Беларусі Рыгора Барадуліна.
На мерапрыемстве прысутнічалі ўдзельнікі клуба зносін «Верныя сябры». Бібліятэкары расказалі ім пра жыццёвы і творчы шлях Рыгора Барадуліна, жанравую разнастайнасць яго паэзіі.
Паэзія Барадуліна непаўторная, унікальная. Яна пластычная і эмацыйная, узнаўляе навакольны свет, адлюстроўвае прыгажосць роднай зямлі, вялікую любоў да бацькі, маці, роднага краю.
На працягу ўсяго мерапрыемства гучалі вершы: «Бацьку», «Долі інакшай не трэба зямной», «Баюся».
Завяршальным лірычным акордам літаратурна-паэтычнай кампазіцыі прагучаў запіс песні на верш Рыгора Барадуліна «Адгалоссе».
