У рамках беларускага чацвярга на дарослым абанеменце аформлена выстава, прысвечаная 90-годдзю з дня нараджэння беларускага паэта Рыгора Барадуліна.
Рыгор Барадулін — адзін з найбольш вядомых майстроў слова. У 1992 годзе ён атрымаў высокае званне народнага паэта Беларусі. Пімен Панчанка назваў яго «чараўніком слова з Ушачаў». Як сапраўдны ювелір, Рыгор Барадулін выдатна апрацоўваў радкі, ствараючы ўражанне лёгкасці свайго пісьма. Такіх паэтаў называюць надарованымі талентам, які пададзены ім з ласкі Божай…
Творчасці аўтара ўласцівыя глыбокая пранікнёнасць, філасофскае асэнсаванне жыцця, любоў да роднага краю і да сям’і.
Запрашаем усіх прыхільнікаў таленту вядомага паэта наведаць нашу бібліятэку.
