23 лістапада ў бібліятэцы-філіяле No 9 імя Янкі Купалы прайшла літаратурная гульня-падарожжа «Па сцежках Янкі Купалы і Якуба Коласа» для навучэнцаў УА «МДТК».
Творчасць вялікіх беларускіх пісьменнікаў Беларусі, Якуба Коласа і Янкі Купалы, даўно пашырыла свае межы. Яна аказала вялікі ўплыў на фарміраванне светапогляду некалькіх пакаленняў…
Падчас мерапрыемства для моладзі змястоўна было расказана пра жыццё і творчасць Янкі Купалы і Якуба Коласа, пра іх самыя вядомыя і папулярныя творы, а таксама пра тое, што творчасць гэтых знакамітых беларускіх песняроў натхняла рэжысёраў, мастакоў, скульптараў і
кампазітараў ствараць вялікія тварэнні.
Мерапрыемства дапамагло ўсім удзельнікам акунуцца ў свет біяграфіі і творчасці беларускіх класікаў праз літаратурную гульню.
Падчас гульні хлопцы і дзяўчынкі, аб’яднаўшыся ў каманды, адгадвалі назвы твораў Янкі Купалы і Якуба Коласа па эмодзі, разгадвалі рэбусы, філворды, крыжаванкі, узгадалі назвы найбольш вядомых паэм і вершаў гэтых вялікіх людзей.
Мерапрыемства суправаджалася відэапрэзентацыяй.
У канцы мерапрыемства ўдзельнікі адкрылі для сябе важнае — тое, што неабходна берагчы традыцыі нашай культуры, а самае галоўнае —любіць Беларусь!
