Дарагі сябр!
«Самы найвялікшы і бясспрэчны закон жыцця — гэта людская мова, праз якую чалавек стаў вышэй за ўсіх істот пад сонцам», — пісаў знакаміты Янка Купала. Сапраўды, чалавечую мову нельга параўнаць з мовай птушак, жывёл, раслін. Яна з’яўляецца больш прыгожай, мілагучнай, дзякуючы ей людзі размаўляюць, вучацца, дасягаюць сваей мэты. Роднае слова з’яўляецца адным з самых вялікіх здабыткаў кожнага народа. Любоў да роднага слова пачынаецца яшчэ з дзяцінства. Роднае слова — гэта першая крыніца, праз якую мы пазнаём жыццё і акаляючы нас свет. Пагэтаму неабходна так старанна вывучаць сваю родную мову, ведаць і любіць лепшыя творы беларускай літаратуры. І перш за ўсё трэба ведаць свой народ, яго гісторыю!
Выстава-віншаванне “Жывое ў вяках беларускае слова” запрашае юных наведвальнікаў ў вандроўку па гісторыі і абшарах Беларусі. Кнігі, змешчаныя на выставе шчодра знаёмяць з прыгажосцю роднага краю, з яго слаўнымі продкамі, з непаўторнасцю роднай мовы.
Прыемнага чытання!

Паважаныя чытачы!
Прапануем вашай увазе выставу «Сузор’е беларускіх юбіляраў».
Выстава штомесяц будзе знаёміць вас з жыццем і творчасцю юбіляраў 2022 года (пісьменнікаў, дзеячаў культуры і мастацтва), якія нарадзіліся ў пэўным месяцы.
Таксама выстава размешчана і на сайце бібліятэкі http://gb9.csgpb.by/belaruskiya-pismenniki-yubilyary/
Прыемнага прагляду і чытання!

Паважаныя чытачы!
Віншуем вас з надыходзячым Міжнародным днём роднай мовы!
Жадаем вам – што б у жыцці ні здарылася і як бы ні склаўся лёс – заўсёды ганарыцца сваімі каранямі і памятаць салодкія ноты роднай мовы.
Запрашаем у бібліятэку пазнаеміцца з вельмі цікавай выставай «Слова роднае мілагучнае і пяшчотнае».
Выстава мае шмат раздзелаў: «Скарбы сусветнай літаратуры» (пераклады знакамітых твораў на беларускую мову); «Майстры беларускай прозы» і «Тонкі водар слова» (знаёмства з кнігамі беларускіх класікаў пісьменнікаў і паэтаў); «Песня льецца матчынай мовай» (песні на вершы беларускіх аўтараў).
Няхай мова дапамагае душы выказваць радасць, а сэрцу – гаварыць пра каханне! Прыемнага прагляду і чытання!

Магутнае слова, ты, роднае слова!
Са мной ты на яве і ў сне.
Я. Купала

Да Міжнароднага дня роднай мовы ў чытальнай зале бібліятэкі-філіяла №9 імя Янкі Купалы аформлена кніжная выстава ”Жывое у́ вяках беларускае слова».
Матэрыялы выставы дапамогуць больш дасканала пазнаць сваю родную мову праз знаемства з кнігамі вядомых беларускіх класікаў і дапаможнікамі, слоўнікамі.
Таксама запрашаем вас пазнаёміцца з выставай «Калейдаскоп беларускіх часопісаў».
Сярод разнастайнасці тэм, якія асвятляюцца ў часопісах, кожны знойдзе інфармацыю цікавую для яго. На выставе не толькі часопісы на беларускай мове, але і на рускай беларускіх выдавецтваў.
Прыемнага чытання!