0+

Гэта казка пра добрыя ўчынкі і сямейныя каштоўнасці, пра натхненне і бязмежныя дзіцячыя фантазіі. Цуд існуе, і ён побач з намі.

Калі вельмі моцна захацець, нават звычайная дзяўчынка можа стаць прынцэсай. Так! Мары збываюцца! Але будзьце пільнымі: жыццё прынцэс не такое бесклапотнае, як падаецца. Шчасце, што не пераводзяцца адважныя рыцары, гатовыя іх ратаваць.

Кніга ў даступнай для дзяцей форме знаёміць з дзяржаўнымі сімваламі Беларусі і значэннем іх асобных элементаў. Ўтрымлівае яркія ілюстрацыі, практычныя заданні, вершы. Спрыяе фарміраванню паважлівага стаўлення да дзяржаўнай сімволікі, пачуцця патрыятызму і гонару за родную краіну.

У якой прыгожай і дзіўнай краіне мы жывём! Колькі ў ёй цікавага, таго, што заслугоўвае ўвагі і блізкага знаёмства! Вачыма звычайнага беларускага хлопчыка чытачы ўбачаць прыроду Беларусі, яе гарады і славутыя мясціны, пазнаёмяцца з гербамі сталіцы і абласных цэнтраў, задумаюцца над важнасцю захавання беларускіх народных традыцый.

Кніга выхоўвае патрыятызм, гонар за родную краіну, паважлівыя  адносіны да яе жыхароў.

Прызначана для чытання дзецям 5-7 гадоў, утрымлівае маляўнічыя ілюстрацыі, развіццёвыя заданні.

Свет надзвычай цікавы і багаты. Паспрабуйцце паказаць яго дзіцяці праз роднае слова разам з аўтарам кнігі. А найвялікшай нечаканасцю (у добрым сэнсе) з’явяцца для вас ілюстрацыі таленавітай мастачкі Алены Саковіч, якая сапраўды ўдыхнула жыццё ў слова – і кніжка загаварыла сама.

Прызначана для чытання дзецям дашкольнага ўзросту.

Мы жывём у слаўнай, прыгожай краіне, якая горда называецца Беларусь. Яна ў нас адна – самая родная, самая блізкая і самая незвычайная. Адметная сваёй прыродай, гісторыяй, культурай, традыцыямі, а яшчэ – гасціннасцю. І, канешне ж, мовай: мілагучнай і спеўнай, празрыстай і звонкай.

Кніга з прыгожымі малюнкамі на кожную літару алфавіта адлюстроўвае факты, падзеі і з’явы, па якіх мы можам расказаць пра нашу краіну.

Адрасавана дзецям дашкольнага і малодшага школьнага ўзросту – маленькім беларусам і беларусачкам.

Гэтая гісторыя пра самую незвычайную карову на свеце. Звалі яе Мышкай, і жыла яна ў самай звычайнай вёсцы. Падчас сваёй першай вандроўкі карова Мышка і голуб Док знойдуць новых сяброў, дапамогуць дзяўчынцы Асі вярнуць кагосці вельмі важнага і… не, не будзем раскрываць усе таямніцы! 

Новая кніга вядомай беларускай пісьменніцы Алены Масла прысвечана таямнічаму і захапляльнаму свету беларускіх балот.

Разам з галоўнымі героямі кнігі – цікаўным і дасведчаным хлопчыкам Бульбінкам і дзяўчынкай Журавінкай – маленькія чытачы здзейсняць казачнае падарожжа па балотных абшарах, наведаюць хатку баброў, высветляць, чаму ласі скідаюць рогі і ці можа выдра працаваць карэспандэнткай.

Кніга ўтрымлівае таксама простыя кулінарныя рэцэпты, а яшчэ займальную гульню па матывах казачнага падарожжа.

Адрасуецца дзецям дашкольнага і малодшага школьнага ўзросту.

Няма ніводнага дарослага і ніводнага дзіцяці, якія не любілі б казкі. Лепшыя чарадзейныя казкі варта чытаць у зборніку «Чарадзейны пярсцёнак». Гэтая кніга для разумных, добрых, прыгожых.

Інтэрактыўная гісторыя пра прыгоды павучка Чыка, якую распавядае сам павук! Чыка зацягнула страшэнная пачвара — пыласос, і павучку нічога больш не застаецца, акрамя як даследаваць сваё наваколле: можа, нават сярод пылу і смецця можна знайсці скарб? Чык вырашае вярнуць адзін з такіх скарбаў уладальніку, але гэта цяжэй, чым падаецца…

Вандруйце разам з Чыкам, але будзьце гатовымі да нечаканай развязкі!

Выдатна ілюстраваная кніга створана спецыяльна для дзяцей, якія пачынаюць вывучаць англiйскую мову, і іх бацькоў.

Кніга на дзьвух мовах. 

Кніга ў займальнай форме пазнаёміць чытачоў з алфавітам, а цікавыя вершыі прыгожыя малюнкі дапамогуць даведацца пра розных птушак і іх звычкі.

Адрасуецца дзецям дашкольнага і малодшага школьнага ўзросту, бацькам, выхавацелям дзіцячага садка, настаўнікам пачатковых класаў.